V E N D I M
PËR
PROCEDURAT PËR PËRZGJEDHJEN E EKSPORTUESVE AUSTRIAKË QË DO TË ZBATOJNË PROJEKTET NË KUADËR TË BASHKËPUNIMIT FINANICAR ME AUSTRINË
Në mbështetje te nenit 100 të Kushtetutës, të ligjit nr.10932, datë 10.3.2011, “Për ratifikimin e marrëveshjes, ndërmjet Këshillit të Ministrave të Republikës së Shqipërisë, përfaqësuar nga Ministria e Financave, dhe Republikës së Austrisë, përfaqësuar nga ministri Federal i Financave, për bashkëpunimin financiar”, me propozimin e ministrit për Inovacionin dhe Teknologjinë e Informacionit e të Komunikimit, ministrit të Financave, ministrit të Drejtësisë, ministrit të Shëndetësisë dhe ministrit të Arsimit dhe Shkencës, Këshilli i Ministrave
V E N D O S I:
1. Shoqëria Austrian Health Care Systems & Engineering GmbH (AHC) caktohet koordinator i projektit për organizimin e tenderit për përzgjedhjen e eksportuesve austriakë që do të zbatojnë projektet në kuadër të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Austrisë, për bashkëpunimin financiar, të datës 7 dhjetor 2010, sipas protokollit bashkëlidhur këtij vendimi.
2. Ngarkohet çdo ministri linje që, për procedurat e tenderimit për përzgjedhjen e eksportuesit austriak që do të zbatojë projektin në fushën e tyre, në kuadër të marrëveshjes së datës 7 dhjetor 2010, të bashkëpunojë me Austrian Health Care Systems & Engineering GmbH (AHC).
Ky vendim hyn në fuqi menjëherë.
K R Y E M I N I S T R I
SALI BERISHA
27/06/2012
