PROJEKTLIGJ
PER LEGALIZIMIN, URBANIZIMIN DHE INTEGRIMIN E NDËRTIMEVE PA LEJE
Në mbështetje të neneve 78 dhe 83, pika 1 të kushtetutës, me propozimin e këshillit të Ministrave, Kuvendi i Republikës së Shqipërisë
VENDOSI:
KREU I
DISPOZITA TË PËRGJITHSHME
Neni 1
Objekti i ligjit
Ky ligj ka për objekt:
legalizimin e ndërtimeve të ngritura pa leje në “vendbanime formale”, “zona informale”, “territorre te tjera”, si dhe të “shtesave pa leje në ndërtime me leje”;
kalimin e pronësisë së parcelës ndërtimore, ku ëstë ngritur ndërtimi pa leje, sipas përcaktimit të bërë në nenet 18,19,20 e 21, të këtij ligji;
3. urbanizimin e zonave, blloqeve informale e të ndërtimeve informale, si dhe integrimin e tyre në zhvillimin territorial dhe infrastrukturor të vendit, duke përmirësuar kushtet e jetesës;
proçedurat për realizimi e legalizimit të zonave/ndërtimeve informale dhe ngritjen e funksionimin e strukturave përgjegjëse për realizimin e tyre.
Neni 2
Fusha e zbatimit
ky ligj zbatohet për të gjitha objktet e ndërtuara pa leje, të ngritura para ditës së miratimit në Kuvend të këtij ligji, pavarësisht nëse ato kanë funksion strehimi, veprimtarie ekonomike apo funksione të tjera social-kulturore, të ngritura dhe që disponohen nga individë apo persona juridikë të regjistruar që veprojnë sipas të drejtës tregtare shqiptare. Këshilli i Ministrave përcakton kriteret, procedurat dhe dokumentacionin e zbatueshëm për të kualifikuar objektet në ndërtime, që legalizohen ose jo.
Ngrehinat funksionale (mure rrethues) dhe objektet ndihmëse (garazh etj) në shërbim të ndërtimeve pa leje, të përfunduara brenda afatit të parashikuar sipas pikës 2, të këtij neni, legalizohen vetëm në qoftë se janë ngritur brenda sipërfaqes së parcelës ndërtimore, që legalizohet sipas neneve 18, 19, 20 e 21, të këtij ligji.
Për ndërtimet pa leje, të ngritura brenda zonave që kanë përparësi zhvillimi e turizmit, të përcaktuara sipas ligjit nr.7665, datë 21.1.1993, “Për zhvillimin e zonave që kanë përparësi turizmin”, brenda 3 muajve nga hyrja në fuqi e këtij ligji, Këshilli i Ministrave përcakton vendbanimet formale, zonat informale dhe territoret e tjera, brenda zonave që kanë përparësi turizmin, në të cilat do të kryhet legalizimi sipas këtij ligji. Afati i vetëdeklarimit fillon pas daljes së vendimit për këto zona.
Fusha e veprimit të këtij ligji nuk shtrihet për vendimet pa leje të ngritura mbi troje private brenda vijës së verdhë, kur planet rregulluese urbanistike parashikojnë ndërtime mbi 5 kate nga niveli zero.
Të gjitha ndërtimet e tjera pa leje, të cilat nuk i përgjigjen kushteve të përcaktuara në pikat 1,2,3,4 të këtij neni, si dhe ato për të cilat nuk është kërkuar legalizimi brenda afatit të përcaktuar në pikën 1, të nenit 7, të këtij ligji, prishen sipas ligjit nr.8408, datë 25.9.1998, “Për Policinë e Ndërtimit”.
Neni 3
Përkufizime
Në këtë ligj termat e mëposhtëm kanë këtë kuptim:
“Ndërtim pa leje”-është objekti, pët të cilin është përfunduar konstruksioni dhe mbulesa , i destinuar për banim, veprimtari ekonomike dhe /ose funksione te tjera (si psh. Social-kulturor, arsim, shëndetsi e të tjera të këtij lloji), brenda territorit të përcaktuar si “vendbanim formal”,”zonë informale”ose “territore të tjera”, për të cilin nuk janë respektuar procedurat e përcaktuara në ligjin nr.8405, datë 17.9.1998, “Për urbanistikën”.
Në ndërtimet pa leje bëjnë pjesë edhe tejkalimet dhe shtesat informale të objeketeve të ndërtuara me leje brenda vendbanimeve formale nga subjekte, persona fizikë dhe juridikë, privatë, për qëllime shitblerje/qiradhënie(banesa, zyra, dyqane, punishte, parkim,etj) ose për vete;
“Zonë informale” – është territori me sipërfaqe mbi 5 ha, i zënë nga ndërtime pa leje, që nuk gëzon mbrojtje të veçantë nga aktet ligjore e nënligjore në fuqi.
“Bllokbanimi informal”- konsiderohet territori me ndërtime pa leje, me sipërfaqe mbi 1 deri në 5 ha, brenda ose jashtë vendbanimit formal.
“Ndërtim informal i veçuar”- është objekti (ose grup objektesh) i ndërtuar pa leje në parcelë/territor deri në 1 hektar.
“Kufiri i zonës/bllokbanimit/ndërtimit informal”-është vija gjeografike e shtrirjes territoriale të ndërtimeve informale,e miratuar sipas dispozitave në fuqi nga KRRTRSH-ja, për zonat informale, dhe njësia përkatëse e qeverisjes vendore, përmes organit të zgjedhur dhe /ose KRRT-së, për bllokbanimin /ndërtimin informal.
“Vendbanim formal”- është territori i përfshirë brenda vijave kufizuese (të verdha), të miratuara zyrtarisht për zonat e banuara urbane(qytet) ose rurale (fshat).
“vendbanim informal”-është territori me sipërfaqe mbi 5 ha brenda vijave kufizuese (të verdha), të miratuara zyrtarisht për zonat e banuara urbane(qytet) ose rurale(fshat).
“Territore të tjera”-janë tokat bujqësore (tokë arë, sipërfaqe fruti/perime-kulture, ullishte, vreshat) dhe tokat jobujqësore (pyje, kullota e toka të pafrytshme).
“Parcela ndërtimore”-janë sipërfaqet e zëna nga pronari i ndërtimit pa leje.
“Pronar i ndërtimit pa leje”-është personi fizik ose juridik, që ka krijuar vetë ose ka qenë investitor i ndërtimit pa leje dhe vërteton se e posedon ose e disponon lirisht atë dhe parcelën ndërtimore, pavarësisht nga fakti se pronësia mbi to është e paregjistruar në emër të tij në zyrën e regjistrimit të pasurive të paluajtshme.
“Leje legalizimi”-është dokumenti që lëshohet sipas procedurës së përcaktuar në këtë ligj, nga njësia e qeverisjes vendore përkatëse dhe që shërben për regjistrimin e objektit në zyrën e regjistrimit të pasurive të paluajtshme (ZRPP).
“Njësi e qeverisjes vendore”- janë komuna dhe bashkia. Njësia bashkiake (për Tiranën)dhe qarku referohen në këtë ligj jo me emërtimin “njësi e qeverisjes vendore”, por përkatësish me emërtimin “njësia bashkiake” dhe “qarku”.
“Zyra e urbanistikës së qeverisjes vendore”është zyra e urbanistikës në bashki e komuna, si dhe Drejtoria e Urbanistikës në bashkinë e Tiranës, organe specifike, të krijuar sipas ligjit “Për urbanistikën”.
“ALUIZNI”-është agjencia e posaçme shtetërore, e krijuar sipas këtij ligji, me emërtim Agjencia e legalizimit, Urbanizimit dhe Integrimit të Zonave/Ndërtimeve Informale, e cila bashkërendon punën me organet qëndrore shtetërore dhe njësitë e qeverisjes vendore.
“KRRTRSH”-është këshilli i rrregullimit të Territorit të Republikës së Shqipërisë, organ i veçantë, i krijuar sipas ligjit “Për urbanistikën”
“KRRT”-është këshilli i rregullimit të territorit i njësisë vendore, organ i veçantë, i krijuar sipas ligjit “Për urbanistikën”.
KREU II
ORGANET QËNDRORE DHE VENDORE PËR LEGALIZIMIN, URBANIZIMIN DHE INTEGRIMIN E ZONAVE/NDËRTIMEVE DHE SHTESAVE INFORMALE
Neni 4
Agjencia e legalizimit, Urbanizimit dhe Integrimit të Zonave/Ndërtimeve Informale (ALUIZNI)
Agjencia e Legalizimit, Urbanizimit dhe Integrimit të Zonave/Ndërtimeve Informale bashkërendon punën me organet qendrore shtetërore dhe njësitë e qeverisjes vendore për:
hartimin dhe miratimin e studimeve urbanistike;
hartimin e standarteve dhe të normave minimale urbanistike, për zonat/ndërtimet informale, në bashkëpunim me Institutin e Studimeve dhe projektimeve Urbanistike (ISPU);
njësimin e proçedurave për proçesin e legalizimit , urbanizimit dhe integrimit të ndërtimeve pa leje në vendbanimet formale, zonat informale dhe territore të tjera;
programimin e fondeve nga buxheti i shtetit për legalizimin dhe urbanizimin e zonave informale dhe rregullimet e nevojshme ose, sipas rastit, në venbanimet formale;
ALUIZNI në zbatim të detyrave të vendosura nga ky ligj kryen:
ngritjen e bazës së të dhënave për ndërtimet pa leje dhe ecurinë e legalizimit;
fushatën kombëtare të informimit dhe të sensibilizimit të qytetarëve, në bashkëpunim me mjetet e informimit të gjerë publik, në nivel kombëtar;
përgatitjen e manualeve të procedurave, udhëzimeve, formularëve dhe trajnimeve për njësitë e qeverisjes vendore, gjatë çdo hapi të proçesit;
mbikqyrjen e proçesit të legalizimit dhe të zbatimit të procedurave nga njësitë e qeverisjes vendore dhe këshillat e qarqeve.
Mënyra e organizimit dhe e funksionimit të kësaj agjencie, si dhe procedurat e mbledhjes, përpunimit dhe administrimit të të dhënave sipas shkronjës “a”, të pikës 2, të këtij neni, përcaktohen nga Këshilli i Ministrave.
Neni 5
Detyrat e njësisë së qeverisjes vendore
Sipas këtij ligji, njësia e qeverisjes vendore ka këto detyra:
Ngre strukturat e nevojshme për pranimin, trajtimin dhe kontrollon e vetëdeklarimeve të objekteve pa leje, si dhe për zbatimin e detyrave të përcaktuara në këtë ligj, për kryerjen e proçesit të legalizimit;
Identifikon në terren ndërtimet pa leje, për të cilat nuk është bërë vetëdeklarimi, identifikon të gjitha rastet eventuale të ndërtimeve pa leje të kryera pas miratimit të këtij ligji dhe nis procedurat për prishjen e tyre sipas ligjit nr.8408, datë 25.9.1998, “Për Policinë e Ndërtimit”.
Miraton në këshill kalimin e pronësisë së parcelës ndërtimore te pronari i ndërtimit në procedurë legalizimi dhe autorizon lidhjen e kontarës së shitblerjes;
Arkëton pagesat e kryera nga subjektet, që trajtohen me këtë ligj dhe i transferon ato në buxhetin e shtetit, brenda 1 muaji, kur ato janë pjesërisht të transferueshme, sipas nenit 31 të këtij ligji;
Administron të ardhurat e krijuara dhe monitoron përdorimin e tyre në përputhje me këtë ligj;
Bashkërendon punën sipas rastit me këshillin e qarkut, ALUIZNI-n, ministitë e linjës dhe KRRTRSH-në, për mbarëvajtjen dhe ecurinë e procesit të legalizimit, urbanizimit dhe integrimit të zonave informale.
Neni 6
Detyrat e njësisë së urbanistikës së njësisë së qeverisjes vendore
Njësia e urbaniostikës pranë njësisë së qeverisjes vendore, sipas këtij ligji, ka këto detyra:
Verifikon gjendjen reale të ndërtimeve në vend dhe sipas dokumentacionit të përcaktuar në pikën 3, të nenit 2, të këtij ligji, harton ose porosit hartografinë dhe ndërton sistemet e nevojshme të informacionit;
Bën perditësimin teknik të planvendosjes në terren të ndërtimeve pa leje dhe të territoreve të zëna nga këto të fundit, në kufijtë dhe shtrrijen sipërfaqsore të vendbanimit formal, të zonës informale (miratuar nga KRRTRSH-ja),ose të territoreve të tjera;
Harton detyrat e projektimit për studimet urbanistike dhe harton ose porosit studimet urbanistike, sipas këtij ligji;
Lëshon dokumentacionin përkatës dhe pajis subjektin ndërtues me lejen e legalizimit të objektit pas plotësimit të kërkesave të këtij ligji.
KREU III
PROCEDURAT DHE AFATET
Neni 7
Vetëdeklarimi
të gjitha subjektet, që disponijnë ndërtime pa leje janë të detyruara që, brenda 30 ditëve pas hyrjes në fuqi të këtij ligji, ti vetëdeklarojnë ato(objektin pa leje dhe parcelën ndërtimore) pranë zyrës së urbanistikës së njësisë përkatëse.
1.1.Zyra e urbanistikës pranë njësisë së qeverisjes vendore, në përputhje me detyrat e ngarkuara nga ky ligj, është e detyruar të pranojë vetëdeklarimet për një periudhë 4-mujore nga data e fillimit të afatit të parashikuar në pikën 1, të këtij neni. Për organet e qeverisjes vendore, të organizuara në njësi administrative ose zyrave të rajonit.
Ndërtimi pa leje dhe sipërfaqja e parcelës ndërtimore vetëdeklarohen sipas formularit, që i bashkëlidhet këtij ligji dhe është shtojca “A” e tij.
2.Periudha e vetëdeklarimit është një proces vullnetar për të gjitha subjektet gjatë 2 muajve të parë, ndërsa gjatë 2 muajve të dytë të saj proçesi i vetëdeklarimit shoqërohet me sanksione, sipas nenit 8, të ketij ligji.
Sanksionet e zbatuara sipas nenit 8, të këtij ligji, kalojnëpër llogari të qeverisjes vendore ku kryehet vetëdeklarimi.
3.Ministria e linjës,ALUIZNI dhe organet e qeverisjes vendore organizojnë fushatën e informimit të opinionit publik për përfitimet dhe detyrimet e procesit të legalizimit.
Neni 8
Afatet dhe sanksionet e zbatueshme
Për vetëdeklarime sipas pikave 1 e 2, të nenit 7, të këtij ligji, zbatohen:
I.Për “vendbanimet informale” dhe “territore të tjera”:
a. brenda muajit të parë dhe të dytë falas;
b. brenda muajit të tretë, vetëdeklarimi shoqërohet me gjobë 10 lekë/m2;
c. brenda muajit të katërt, vetëdeklarimi shoqërohet me gjobë 20 lekë/m2;
d. në përfundim të afatit të vetëdeklarimit subjektit i humb e drejta e legalizimit.
II. Për “vendbanimet formale” zbatohen të njëjtat tarifa dhe afate, por i referophen:
sipërfaqes së parcelës, për ndërtime “vila”;
sipërfaqes së ndërtuar (m2ndërtim) për shtesa familjare, jo për qëllime shitblerje;
sipërfaqes së ndërtuar(m2 ndërtim )shumëzuar me koefiçientin 3, për shtesa kjomerciale nga subjektet fizike dhe juridike, për qëllimeshitblerje/qiradhënie.
Neni 9
Zyra përgjegjëse për vetëdeklarim
1.Vetëdeklarimi nga subjektet, që kanë ngritur ndërtimet pa leje, kryehet pranë zyurës së urbanistikës në njësinë vendore, në territorin e së cilës është ndërtuar objekti pa leje. Në rastet kur:
a. ndërtimi pa leje ndodhet në situata të paqarta administrative, atëherë ato vetëdeklarohen pranë njësisë më të afërt të qeverisjes vendore, duke pasur si kritrer orientimi njësinë vendore, që ka regjistruar personion fizik ose banorët e zonës si votues në listën zgjedhore për zgjedhjet për legjislaturën e 17 të Kuvendit.
b. Ndërtimi pa leje shtrihet në kufijtë administrativë të më shumë se një njësie vendore, atëherë ndërtimi deklarohet pranë njësisë vendore që zë sipërfaqen më të madhe të parcelës ndërtimore.
2.të ardhurat e përfituara nga proçesi i legalizimit kur destonohen për buxhetin e qeverisjes vendore i takojnë njësisë vendore, ku është kryer vetëdeklarimi.
Neni 10
Procedura për fillimin e legalizimit të ndërtimeve pa leje
Procedura që ndiqet për fillimi e procesit të legalizimit është si më poshtë vijon:
a. Vetëdeklarimi nga ana e subjekteve, që kanë ngritur objekte pa leje kryehet në zyrën e urbanistikës, sipas nenit 7, të këtij ligji.
b. Organi i përcaktuar në nenin 7, të këtij ligji, në të njëjtën periudhë me vetëdeklarimin kryejnë në terren evidentimin e ndërtimeve pa leje, për përfshirjen e tyre në procesin e legalizimit. Brenda afteve të përcaktuara në këtë ligj, njësia e urbanistikës së qeverisjes vendore përgatit raportin për gjendjen faktike, së bashku me argumentimin teknik e ligjor të zonës.
c. Për zonat informale dhe vendbanimet informale, në kuptim të këtij ligji, depozitimi i raportit të gjendjes faktike, së bashku me argumentimin teknik e ligjor, bëhet në Këshillin e qarkut, brenda 30 ditëve me mbarimin e afatit të vetëdeklarimit. Shqyrtimi dhe miratimi i zonave informale në këshillin e qarkut, bëhet brenda 30 ditëve nga dorëzimi i materialit përkatës. Zonat i propozohen për miratim KRRTRSH-së në mbledhjen më të afërt.
d. Për bllokbanimet dhe ndërtimet informale, brenda ose ngjitur vijave kufizuese (të verdha), të miratuara zyrtarisht për zonat e banuara urbane (qytet) ose rurale (fshat),depozitimi i gjendjes faktike dhe argumentimi teknik bëhet në zyrën e urbanistikës së njësisë së qeverisjes vendore, përkatëse, brenda 30 ditëve nga mbarimi i afatit të përcaktuar në nenin 7. Shqyrtimi dhe m,iratimi i materialeve bëhet në Këshillin Bashkiak ose komunal dhe KRRT-në e bashkisë/komunës përkatëse, brenda 30 ditëve.
e. Për objektet/parcelat informale deri në 1 ha, për bllokbanimet dhe ndërtimet pa leje, të veçuara ose në territore të tjera, dhe për “shtesa pa leje në ndërtime me leje”,vendos njësia e urbanistikës dhe KRRT-ja përkatëse e njësisë së qeverisjes vendore. Depozitimi i gjendjes faktike, i argumentimit teknik, shqyrtimi dhe miratimi i materialeve bëhet në zyrën e urbanistikës dhe të këshillit të qeverisjes vendore, brenda 6 muajve nga mbarimi i afatit të përcaktuar në nenin 7.
Përndërtimet pa leje në “territore të tjera”, zyra e urbanistikës përkatëse kërkon miratimin e këshillit të qarkut dhe të drejtorive rajonale të bujqësisë dhe ushqimit dhe agjencive rajonale të mjedisit. Këshilli i qarkut dhe drejtoritë rajonale të bujqësisë dhe ushqimit dhe agjencive rajonale të mjedisit, i kthejnë përgjigje zyrës së urbanistikës brenda 30 ditëve nga depozitimi i kërkesës dhe i paraqitjes së dokumentacionit.
Zyra e urbanistikës dorëzon menjëherë dokumentacionin përkatës pranë këshillit të qdhe drejtorive rajonale të bujqësisë e mjedisit jo më vonë se 30 ditë nga paraqitja e kërkesës dhe dokumentacionit.
Neni 11
Shqyrtimi në KRRTRSH
1.Në rastet kurt, sipas nenit 10 të këtij ligji, procesi i legalizimit të ndërtimit miratohet nga KRRTRSH-ja, njësia e qeverisjes vendore ose këshilli i qarkut depozitojnë pranë ALUIZNI-it,brenda 30 ditëve nga përfundimi i procedurave në njësinëvendore ose këshillin e qarkut, dokumentacionin tekniko-ligjor për ndërtimet informale në territori e tyre.
1.1.ALUIZNI praqet dokumentacionin e përpunuar, së bashku me oponencën e vet, brenda 15 ditëve, në Këshillinb e Rregullimit të Territorit të Republikës së Shqipërisë. Dokumentacioni shqyrtohet dhe m,iratohet në mbledhjen më të afërt të tij.
Dokumentacioni tekniko-ligjor, i përmendur në pikën 1, të këtij neni, përcaktohet me udhëzim të mjinistrit, që mbulon veprimtarinë e planifikimit të territorit.
2. KRRTRSH-ja përcakton, me vendim,emërtimin dhe kufirin e zonës/vendbanimit informal mbi 5 ha.
KRRT-të dhe organet e zgjedhgura të qeverisjes vendore përcaktojnë, me vendim emërtimin dhe kufirin e bllokbanimit informal mbi 1 deri në 5 ha.
Neni 12
Bashkërendimi i punës ndërmjet njësive të qeverisjes vendore dhe ALUIZNI-t
Njësitë e qeverisjes vendore dorëzojnë, rregullit, çdo muaj, pranë ALUIZNI-t të dhëna të plota për numri e objekteve të vetëdeklaruara, shqyrtuara dhe /ose të legalizuara, larminë dhe tipologjinë e ndërtimeve dhe/ose zonave informale, vëllimin e investimeve, pagesat e çmimit të parcelës ndërtimore dhe taksës për ndikimin në infrastrukturë për ndërtimet e reja, sanksione në kuptim të këtij proçesi, si dhe raporte për çështje të vështirësive të hasura dhe problemeve të dala për zgjidhje etj.
Mënyra e plotësimit të këtyre të dhënave, si dhe ruajtja e tyre përcaktohen me udhëzim të ministrit, që mbulon çështjet e territorit.
Neni 13
Pezullimi i procedurave ne zona te ndotura
1. Keshilli i Ministrave ka te drejte te pezulloje zbatimin e procedurave te legalizimit te objekteve pa leje, ne territore me nivel te larte ndotjesh mjedisore, si dhe te zbatoje ose te planifikoje strategji per eleminimin e ndotjeve te mjedisit ne zone sipas afateve konkrete. Keshillat e qarkut paraqesin, brenda 30 ditesh nga perfundimi i afatit te caktuar, sipas nenit 7, te ketij ligji, propozimet konkrete per pezullimin e procedures se legalizimit per shkak te nivelit te larte te ndotjes.
Keshilli i Ministrave e shqyrton propozimin e paraqitur, brenda 30 diteve nga depozitimi i te gjithe dokumentacionit dhe merr vendim per kete çeshtje.
2. Njesite e qeverisjes vendore, brenda dates 1 mars 2006, duhet te identifikojne dhe te regjistrojne te gjithe banoret e vendosur ne zona te njohura dhe problematike per nivelin e ndotjeve dhe te njoftojne me shkrim ALUIZNI-n.
3. Kryetari i njesise se qeverisjes vendore, ne bashkepunim me Policine e Ndertimit merr mas a te posac;me per parandalimin e ngritjes se ndertimeve te reja ne keto zona. I
Neni 14
Efektet juridike te vendimmarrjes se KRRTRSH-se
I.Vendimet e KRRT-se dhe KRRTRSH-se, sipas neneve 10 dhe 11, te ketij ligji, sjellin si pasoje:
a. ndryshimin e regjimit te tokes ne toke truall.
b. ndryshimin e destinacionit te perdorimit ne zone banimi/ekonomike.
2. Vendimet e KRRT-se dhe vendimet e KRRTRSH-se i njoftohen seksionit te administrimit dhe mbrojtjes se tokes ne keshillin e qarkut, i cili pasqyron ndryshimet ne fondin e tokes bujqesore.
KREU IV
Kalimi i pronesise se parceles ndertimore
Neni 15
Regjistrimi i zones informale
1. Territori i zones, vendbanimit dhe ndertimit infonnal regjistrohet ne regjistrin e pronave te paluajtshme, ne perputhje me ligjin nr.7843, date 13.7.1994, "Per regjistrimin e pasurive te paluajtshme", ne pronesi te njesise perkatese te qeverisjes vendore. ZRPP-ja kryen regjistrimin fillestar te ketyre zonave/parcelave, sipas procedurave dhe legjislacionit ne fuqi.
2.Njesia e qeverisjes vendore ne bashkepunim me ZRPP-ne, sipas procedurave te fillimit te legalizimit, publikon, brenda 10 diteve, listen e pronareve te regjistruar ne regjistrat e pasurive te paluajtshme, brenda kufirit te zones/vendbanimit infonnal ose te truallitlparceles se ndertimit infonnal ose shtesave qe hyjne ne procesin e parashikuar nga ligji.
3.Keshilli i Ministrave, jo me VOlle se nje muaj nga afati i percaktuar ne piken 2, te ketij nelli, nxjerr vendim per kompensimin e pronave. VIera e tregut te parceles ndertimore percaktohet sipas metoQologjise se miratuar me vendimin nr.183, date 28.4.2005, te Kuvendit, "Per miratimin e metodikes per vleresimin e prones se paluajtshme, qe k9mp~nsohet, dhe asaj qe do te sherbeje per kompensim".
4.Menyrat dhe procedural e kompensimit percaktohen me vendim te Keshillit te Ministrave.
Neni 16
Rregullim specifik per ata qe disponojne parcelen sipas nje akti te ligjshem te paregjistruar
1.Ose subjekti, qe disponon objektin pa leje, posedon kontraten e kalimit te pronesise se parceles ndertimore, te lidhur perparanoterit publik, me pronarin e ligjshem vete ose nga personi, i cili i ka kaluar të drejten e pronesise, pavaresisht nga numri i transaksioneve te kryera, ai i dorezon ato ne zyren e urbanistikes.
2.Per te gjithe kete rreth personash, qe posedojne keto kontrata, kalimi i pronesise se parceles ndertimore regjistrohet sipas kontrates, duke paguar vetem tarifen ne fuqi per regjistrimip ne zyren e regjistrimit te pasurive te paluajtshme, pa kamatevonese dhe taksa te zbatueshme.
3. Pronari, i cili ka kryer kalimin e parcelës ndërtimore në përputhje me pikën 2 të këtij ligji, zhvishet nga e drejta e kompensimit të pronës sipas këtij ligji ose sipas ligjit “Për kthimin dhe kompensimin e pronave”.
Neni 17
Kalimi i pronësisë së parcelës ndërtimore
Kalimi i pronësisë së parcelës ndërtimore ose truallit nga njësia e qeverisjes vendore përkatëse te vetdeklaruesi, bëhet sipas dispozitave të Kodit Civil. Çmimi i kalimit të pronësisë nga organi i qeverisjes vendore te subjekti që disponon ndërtimet pa leje, në kuptim të këtij ligji, përcaktohet sipas niveleve 18, 19, 20 e 21, të këtij ligji.
Likuidimi i çimit të kontratës për kalimin e pronësisë së parcelës ndërtimore bëhet menjëherë në çastin e nënshkrimit të kontratës. Në mungesë të aftësisë paguese, subjekti ka të drejtë të shlyejë çmimin e blerjes sipas kërkesës së tij, me dy këste që shlyhen brenda 1 viti nga data e kontratës. Subjekti që ndodhet në kushtet e mungesës financiare, duhet të deklarojë këtë fakt në çastin e vetdeklarimit të ndërtimit pa leje. Ky vetdeklarim konsiderohet i mirëqenë.
Neni 18
Çmimi i shitjes në zonat informale
Për parcelat ndërtimore jashtë vijave të verdha, çmimi është, si më poshtë vijon:
a. Për sipërfaqe deri në 100 m2, 100 mijë lekë;
b. deri në 200 m2, 150 mijë lekë;
c. deri në 300 m2, 200 mijë lekë;
d. deri në 400 m2, 300 mijë lekë;
e deri në 500 m2, 400 mijë lekë;
f. mbi 500m2, sipas vlerës së tregut në çastin e kalimit të pronësië.
Neni 19
Çmimi i shitjes brenda vijave të verdha
Për parcelar ndërtimore të vendbanimeve/ndërtimeve informale brenda vijave të verdha, çmimi i shitjes është, si më poshtë vijon;
a. Për sipërfaqe deri në 100 m2, 200 mijë lekë;
b. deri në 200 m2, 300 mijë lekë;
c. deri në 300 m2, 400 mijë lekë;
d. mbi 300 m2, sipas vlerës së tregut në çastin e kalimit të pronësisë
Neni 20
Çmimi shitjes brenda vijave të verdha të shtesave në ndërtime
Për sipërfaqet e trojeve, të zëna me shtesa anësore pa leje në ndërtime me leje (jo për shitblerje/qiradhënie etj), brenda vijave të verdha, çmimi i shitjes është si më poshtë vijon:
a. Për sipërfaqe deri në 50 m2 100 mijë lekë;
b. deri në 75 m2 200 mijë lekë;
c. deri në 100 m2 400 mijë lekë;
d. mbi 100 m2, sipas vlerës së tregut në çastin e kalimit të pronësisë.
2. Kur shtesat janë për qëllime tregtimi ose veprimtari ekonomike kalimi i pronësisë realizohet sipas vlerës së tregut në çastin e kalimit të pronësisë.
Neni 21
Pagesa në “territore të tjera”
Për parcelat ndërtimore në “territore të tjera” zbatohen të njëjtat tarifa sipas nenit 18,
të këtij ligji, por shteti nuk angazhohet në investojë për infrastrukturën në këto
territore. Këshilli i njësisë vendore, përpara se të vendosë kalimin e pronësisë në
favor të subjektit, kërkon miratim të posaçëm nga;
Këshilli i Qarkut dhe Ministria e Bujqësisë, Ushqimit dhe Mbrojtjes së Konsumatorit për toka të kategorisë bonitete (1-4);
Këshilli i Qarkut për toka të kategorisë (5-10).
Neni 22
Taksa e ndikimit në infrastrukturë
Taksa vendore e ndikimit në infrastrukturë, e zbatueshme për t’u paguar sipas nenit 51, të ligjit nr. 8405, datë 17.9.1998, “për urbanistikën”, zbatohet në të gjithë territorin e vendit në kufirin maksimal, të përcaktuar për njësinë vendore sipas pikës 2, të nenit 16, të ligjit nr. 9882, datë 12.12.2002, ‘për sistemin e taksave vendore”.
Neni 23
Zbatimi i legalizimit në zonat pilot
Për zonat informale të përfshira në “Zonat pilot” të projektit të menaxhimit të Tokës Urbane, të financuar nga Banka Botërore, taksa e ndikimit të infrastrukturë është e barabartë me diferencën e taksës së parashikuar sipas këtij ligji dhe shumës së kontributit financiar, që poseduesi i ndërtimit pa leje ka dhënë deri në çastin e legalizimit për rregullimet e kryera në infrastrukturën e zonës së tij, nëse kjo diferencë është pozitive.
Neni 24
Rastet kur subjekti disponon më shumë se një ndërtim informal
Në rast se një subjekt deklaron më shumë se një ndërtim informal, atëherë ai ka të drejtë të zgjedhë se për cilin objekt do të përfitojë transferimin e kalimit të pronësisë dhe legalizimin sipas tarifave të këtij ligji. Për objektet e tjera zbatohet çmimi dhe tarifa e taksës sipas vlerës së tregut dhe masës në fuqi, pavarësisht nga kategorizimi i objekteve në fjalë dhe madhësia e parcelës respektive të truallit..
Deklarata noteriale për heqjen dorë nga ushtrimi i së drejtës për parcelën ndërtimore për këtë subjekt, nuk do të sjellë më pas asnjë pasojë dhe subjekti trajtohet sipas pikës 1, të këtij ligji.
Neni 25
Zgjidhja e mosmarrëveshjeve për të drejta mes vet subjektit
Nëse gjatë legalizimit ka mosmarrëveshje për raportet e pronësisë në objekt ose/dhe rreth përfshirjes së personave të tjerë, të cilët pretendojnë të drejta mbi parcelën ndërtimore, që legalizohet sipas këtij ligji, kjo mosmarrëveshje zgjidhet nga gjykata.
. Gjatë shqyrtimit të konfliktit gjyqësor procedurat për legalizim të objektit pezullohen dhe rifillojnë sipas kushteve të këtij ligji, pasi vendimi gjyqësor të jetë i formës së prerë, me kushtin që ndërtimi pa leje të jetë vetdeklaruar sipas afatit të përcaktuar në nenin 7, të këtij ligji.
Neni 26
Dokumentacioni tekliko-ligjor për legalizimin e banesës
Subjekti kërkues i interesuar për legalizimin e objektit pa leje duhet të paraqesë:
gen-planin e objektit në shkallën 1:500, të lëshuar nga njësia vendore.
Planimetrinë e çdo kati të objektit dhe sipërfaqet në m2, që do të legalizohen në shkallë 1:100.
Çertifikatën e përbërjes familjare.
vërtetimin për likuidimin e taksës së ndikimit në infrastrukturë për të gjitha rastet, kur subjekti nuk përjashtohet nga pagesa e taksës sipas këtij ligji dhe legjislacionit në fuqi.
Vërtetimin ose çertifikatën e pronësisë së parcelës ndërtimore nga ZRPP-ja përkatëse. (pasi subjekti të jetë pajisur me të sipas këtij ligji, kur ai e disponon menjëherë gjatë vetdeklarimit).
Deklaratën personale, që merr përsipër përgjegjësinë për çdo pasojë, që mund të rrjedhë nga shkaqe natyrore dhe/0se nga përdorimi i banesës. Sipas këtij ligji, shteti nuk është përgjegjës për kompensimin ose dëmshpërblimin në raste fatëkeqësish, për shkak të cilësisë së punimeve të objektit.
Deklaratën ku pranohet zbatimi i planit rregullues, përfshi respektimin e hapësirave publike, gjelbërimin, tipin e rrethimit, ngjyrat, ndriçimin, parkimin, etj.
Marrëveshjen noteriale për pjesët takuese sipas pikës 2, të nenit 29, të këtij ligji, nëse ajo realizohet.
Në çdo rast njësia e qeverisjes vendore, në konsultim/bashkëveprim me ALUIZNI, përcakton tarifat e shërbimit për çështjet e mësipërme sipas legjislacionit në fuqi.
Këshilli i Ministrave, në zbatim të metodikës në fuqi, të miratuar nga Kuvendi për Komitetin Shtetëror të Kthimit të Pronave përcakton mënyrën e identifikimit të vlerës së tregut për sipërfaqet e zëna me ndërtime pa leje, të përmendura në nenet 18, shkronja “f”, 19, shkronja “d”, 20, shkronja “d” e 21.
Neni 27
Dhënia e lejes së legalizimit
Njësia e qeverisjes vendore përkatëse, me plotësimin e të gjithë dokumentacionit të përcaktuar në nenin 26, të këtij ligji, brenda 30 ditëbe nga paraqitja e kërkesës, pajis subjektin me lejen e legalizimit. I njëjti rregullim, por me ndryshime specifike, të përcaktuara në këtë ligj, zbatohet edhe për “sshtesat pa leje në ndërtime pa leje”. Kriteret, procedurat dhe formulari i lejes së legalizimit përcaktohen me vendim të Këshillit të Ministrave. Formulari i vetdeklarimit i bashkëlidhet këtij ligji, si shtojca “A” e ligjit.
Neni 28
Dokumentacioni për rregjistrimin e objektit në ZRPP
Leja e legalizimit, së bashku me dokumentacionin e përcaktuar në këtë ligj, të konfirmuar nga njësia e qeverisjes vendore përkatëse, paraqitet në ZRPP për rregjistrimin e objektit në rregjistrat e pasurive të paluajtshme, sipas legjislacionit në fuqi për këtë institucion.
Neni 29
Rregjistrimi i pasurisë
Kur ndëërtimi pa leje disponohet nga një subjekt, kontrata e kalimit të pronësisë së parcelës ndërtimore dhe objektit që legalizohet rregjistrohen në emër të subjektit që disponon objektin. Për rregjistrimin e pronës së legalizuar sipas këtij neni ZRPP-ja zbaton dispozitat e ligjit nr. 9062, datë 8.5.2003, “Kodi i familjes”, kreu II, “rregjimi pasuror martesor në bashkësi”.
Kur ndërtimi pa leje disponohet nga më shumë se një person fizik ose juridik rregjistrimi i pjesëve takuese mbi pasuritë (parcelë dhe objekt) kryhet:
Në pjesë të pandara, ideale sipas numrit të subjekteve.
Në pjesë takuese të ndara, sipas marrëveshjes së nënshkruar ndërmjet subjekteve lirisht dhe të depozituar brenda afatit të vetëdeklarimit, sipas nenit 7, të këtij ligji, pranë njësisë së urbanistikës. Subjektet mund të përcaktojnë përveç pjesës takuese edhe pjesët fizike respektive, nëse ndërmjet tyre përputhet vullneti.
Neni 30
Urbanizimi i zonave informale
Urbanizimi i zonave informale kryhet në bazë të studimeve urbanistike pjesore në përfundim të procesit të legalizimit.
a. Hartimi i studimeve urbanistike pjesore behet ose porositet nga njësitë e qeverisjes vendore, sipas dispozitat ligjore në fuqi. Në çdo rast studimet urbanistike duhet të respektojnë planet e miratuara nga KRRT-ja e bashkisë/komunës, të hapësirave dhe shesheve publike, për investime në rrugë, infrastrukturë dhe objekte social-kulturore.
b. Këshilli i qarkut miraton me vendim të posaçëm studimin urbanistik për territorin e zonave/vendbanimeve informale dhe territoreve të tjera mbi 1 ha, për qarkun respektiv. Bashkia/komuna operon për të gjitha territoret brenda vijave të verdha.
c) Miratimi i studimeve urbanistike mbi 5 ha nga KRRTRSH-ja bëhet në mbledhjen e saj më të afërt, pas miratimit të tyre nga njësia e qeverisjes vendore përkatëse dhe pas dorëzimit në KRRTRSH.
d. Për zonat/ndërtimet informale hartohen “norma dhe standartet urbanistike minimale”. Ngarkohet ALUIZNI dhe Instituti i Studimeve dhe Projektimeve Urbanistike për hartimin e këtyre normave/standarteve brenda 2 muajve nga miratimi i këtij ligji. Normat dhe standartet urbanistike minimale” miratohen nga KRRTRSH-ja.
Për urbanizimin e zonave informale, gjatë procesit të hartimit të studimeve urbanistike dhe realizimit të tyre, mund të kontribuojë edhe komuniteti i zonës, sipas një kontrate bashkëfinancimi dhe kontrolli, të nënshkruar për këtë qëllim.
Neni 31
Ndarja e të ardhurave të arkëtuara nga legalizimi i ndërtimeve pa leje
Të ardhurat e arkëtuara nga transferimi i pronësisë së parcelës ndërtimore ndahen në;
20 përqind e të ardhurave në buxhetin e njësisë së qeverisjes vendore për përballimin e shpenzimeve të kryera ose që do të të kryhen për përditësimin e planvendosjes së zonës/bllokut informal, për investime vendore në infrastrukturë e shërbime dhe për hartimin e studimeve urbanistike.
80 për qind i transferohet buxhetit të shtetit, për të kaluar në fondin e kompensimit financiar, të parashikuar nga ligji nr. 9235, datë 29.7.2004, “për kthimin dhe kompensimin e pronës”, për Komitetin e Kthimit dhe Kompensimit të pronave, sipas ligjit.
Të ardhurat e arkëtuara nga pagesa e taksës së ndikimit në infrastrukturë, tarifat e shërbimit gjatë procedurës së legalizimit në njësinë vendore, si dhe çdo penalitet tjetër, i cili shoqëron procesin e vetëdeklarimit dhe legalizimit sipas këtij ligji, kalojnë për llogari të njësisë vendore, ku kryhet vetdeklarimi dhe destinohen prej saj për përmirësimin e infrastrukturës dhe urbanizimin e territoreve që legalizohen.
Neni 32
Dispozitë detyruese
Mosdeklarimi brenda afatit kohor, deklarimi i rremë i ndërtimit dhe i sipërfaqes së zënë, si dhe mosparaqitja e dokumentacionit të plotë tekniko-ligjor, sjell përjashtimin nga procesi i legalizimit, urbanizimit dhe integrimit të ndërtimeve informale dhe prishjen e objektit pa leje, në përputhje me ligjin nr. 8408, datë 25.9.1998, “për policinë e ndërtimit”.
Neni 33
Njohja e sipërfaqes së parcelës ndërtimore për efekt kompensimi
Subjektet që bëhen pronarë të parcelave ndërtimore, në zbatim të dispozitave të këtij ligji dhe që në të njëjtën kohë janë subjekt i zbatimit të ligjit nr. 9235, datë 29.7.2004, “për kthimin dhe kompensimin e pronave”, të ndryshuar, përfitojnë kthim ose kompensim vetëm në masan që i përgjigjet diferencës ndërmjet vlerës së pasurisë së paluajtshme të shpronësuar dhe vlerës së parcelës ndërtimore. Në rast se kjo diferencë është negative ata nuk përfitojnë nga ligji nr. 9235, datë 29.7.2004, “Për kthimin dhe kompensimin e pronave”. Kjo dispozitë nuk shtrin efektet e saj, nëse kalimi i pasurisë së parcelës ndërtimore të subjektit është kryer sipas pikës 1, të nenit 16, të këtij ligji.
në përcaktimin e vlerës së përmendur në pikën 1, të këtij neni, zbatohet metodika në fuqi për Komitetin Shtetëror të Kthimit të Pronave, si dhe përfshihet në vlerën e pasurisë edhe pagesa e kryer nga subjekti për kalimin e pronësisë së parcelës ndërtimore, sipas këtij ligji.
Këshilli i Ministrave përcakton kriteret e procedurat për bashkëveprimin e punës për identifikimin e këtyre subjeketev mes Komitetit shtetëror të Kthimit të Pronave dhe organeve të qeverisjes vendore dhe ZRPP-së.
Neni 34
Trajtimi i rasteve të veçanta brenda
vijës së verdhë për efekt të planit rregullues
Për ndërtimet pa leje të parashikuara në pikën 5, të nenit 2, të këtij ligji:
Statusi i parcelës ndërtimore nuk ndryshon ndërsa objekti pa leje shfrytëzohet nga familja që e disponon atë deri në zhvillimin e parcelës sipas planit urbanistik në fuqi.
Kur pronari i truallit ndërton sipas planit rregullues, firma investitore detyrohet që, në çastin e paraqitjes së kërkesës për leje shesh ndërtimi, të paraqesë në zyrën e urbanistikës përkatëse deklaratën noteriale për vendosjen në dispozicion, në çastin e përfundimit të objektit, të pasurisë së paluajtshme ndërtimore, në favor të strehimit të familjes që disponon ndërtimin pa leje në këtë trual.. Sipërfaqja e strehimit për këtë familje përcaktohet sipas normave në fuqi, të parashikuara për kategorinë e familjeve të pastreha. Gjatë periudhës së zhvillimit të truallit, investitori merr përsipër me shpenzimet e veta, strehimin e familjes që dispononte ndërtimin pa leje. Deklarata noterisle e investitorit për kalimin në pronësi të sipërfaqes së strehimit të familjes së pastrehë rregjistrohet në Zyrën e Rregjistrit të pasurive të paluajtshme në çastin e depozitimit për rregjistrim të aktmarrëveshjes së zhvillimit të truallit.
Policia e ndërtimit ndërhyn për prishjen e objektit vetëm kur pronari i truallit/zhvilluesi është i pajisur me lejen e ndërtimit të objektit.
KREU V
LEGALIZIMI I SHTESAVE NË NDËRTIME
Neni 35
Shtesat në ndërtim
Ky ligj i shtrin efektet edhe për legalizimin e shtesave paa leje në ndërtime me leje dh/ose me ndryshime funksionale nga destinacioni i miratuar dhe trojeve publike të zëna prej tij për leje ndërtimi, të dhëna nga KRRT-të ose KRRTRSH-ja.
Këtu përfshihen:
Legalizimi i ndërtimeve, me sipërfaqe me të madhe se projekti i miratuar me vendim të KRT-ve të njësive vendore ose KRRTRSH-së.
Dhe/ose legalizimi i ndërtimeve me ndryshime në funksionin e hapësirave të miratuara me vendim të KRRT-ve të njësive vendore ose KRRTRSH-së.
Neni 36
Fillimi i procedurës së legalizimit
Çdo subjekt, i cili ka kryer ndërtime sipas nenit 35, të këtij ligji, është id etyruar t’i vetdeklarojë ato në zyrën e urbanistikës pranë KRRT-së përkatëse, sipas afatit të përcaktuar në nenin 7, të këtij ligji dhe të dokumentacionit të përcaktuar për legalizim. Gjatë vetdeklarimit subjekti paraqet në zyrën e urbanistikës, përveç kopjes së lejes ekzistuese (kur objekti është ndërtim pas ’93) edhe këto dokumenta:
Deklaratën noteriale, ku projektuesi i lecensuar i konstruksionit të ndërtimit, zbatuesi dhe investitori, garantojnë së bashku qëndrueshmërinë konstruktive të objektit në legalizim, të shoqëruar me oponencën e institucioneve të specializuara, të përcaktuar sipas urdhërit të ministrit që mbulon veprimtarinë e planifikimit të territorit.
a./1 në rastet kur subjekti nuk mund të sigurojë dokumentin sipas shkronjës “a”, të këtij neni, atëherë ai është id etyruar të paraqesë një akt ekspertimi nga një ekspert ose ent i liçensuar për qëndrueshmërinë konstruktive të objektit.
Aktmarrëveshjen me pronarin e truallit për shtesën, nëse është ndërtuar në territor privat.
Deklaratën se shtesat nuk cënojnë integritetin e monumenteve të kulturës, sëbashku me oponencën përkatëse nga Instituti i Monumenteve të Kulturës.
Neni 37
Përjashtime nga legalizimi
Përjashtohen nga legalizimi të gjitha shtesat në ndërtime, të cilat cënojnë rëndë dhe kanë ndikim në planin rregullues, interesin publik në akset/veprat kryesore të infrastrukturës publike (psh. Bllokim aksesi publik, rrugë, kolektorë, diga, aeroporte ose trung kryesor në infrastruturë, etj.) ose në integritetin e monumenteve të kulturës.
Paragrafi i parë i këtij neni e shtrin fuqinë e tij për të gjitha ndërtimet pa leje.
Neni 38
Pezullimi i procedurave të legalizimit
Në rastet kur, si pasojë e shqyrtimit të një mosmarrëveshjeje në gjykim ndërmjet subjektit dhe pronarit të truallit privat/kufitar, gjykata ka vendosur masë sigurimi, procedurat për legalizimin e shtesës së objektit pezullohen dhe rifillojnë sipas këtij ligji, kur masa e sigurimit humb fuqinë e saj, me kusht që shtesa pa leje të jetë vetëdeklaruar, brenda afatit të përcaktuar në pikën 1.1, të nenit 7, të këtij ligji.
Neni 39
Kriteret për legalizimin e shtesave
Njësia e urbanistikës përgjatë afatit të vetdeklarimit shqyrton kërkesat e paraqitura për llegalizim të shtesave dhe i njofton subjekteve, që përmbushin kriteret e dokumentacionit, të paguajnë taksën e ndikimit në infrastrukturë dhe gjobën kur janë subjekt i saj sipas nenit 41, të këtij ligji, brenda 30 ditëve pas përfundimit të afatit të vetdeklarimit sipas nenit 41, të këtij ligji, brenda 30 ditëve pas përfundimit të afatit të vetdeklarimit sipas pikës 1.1, të nenit 7, të ligjit. Shqyrtimi dhe miratimi i legalizimit të shtesës së ndërtimit kryhet sipas afateve të vendosura në nenin 10, të këtij ligji.
Neni 40
Procedura dhe kritere të zbatueshme
Kur shtesat janë ndërtuar të gjitha ose pjesërrisht në territore publike, subjekti paraqet kërkesën për legalizimin e shtesës dhe të truallit publik, mbi të cilin është ndërtuar shtesa sipas këtij ligji. Për kalimin në pronësi të parcelës ndërtimore, në të cilën është ndërtuar shtesa, ndiqen të njëjtat mekanizma nga zyra e urbanistikës, si ato të parashikuara në këtë ligj.
nuk legalizohen, në kuptim të këtij ligji, ndërtimet ose shtesat e ndërtimeve pa leje, të kryera brenda territoreve të shkollave dhe institucioneve të ëtjera publike.
Asnjë nndërtim tjetër informal, në kuptim të pikës 2, të këtij neni, nuk legalizohet brenda këtyre territoreve.
Neni 41
Penalitetet për legalizimin e shtesave të subjektit ndërtues.
Subjektet shoqëri ndërtuese (dhe/ose investitorë), që kanë kryer shtesa anësore ose shtesa të kateve të larta jashtë lejeve të ndërtimit për qëlli kalim pronësie ose qiradhënieje, paguajnë për efekt të legalizimit, sipas afatit të përcaktuar në nenin 39, të këtij ligji, për llogari të njësisë së qeverisjes vendore, këto penalitete:
për çdo (m2 sipërfaqe banimi), gjobë 4 përqind të vlerës së tregut në çastin e legalizimit të pronës;
për çdo (m2 sipërfaqe për veprimtari social-ekonomike), gjobë 10 përqind të vlerës së tregut në çastin e legalizimit të pronës;
për çdo (m2 sipërfaqe me ndryshim destinacioni) 20 përqind të vlerës së tregut në çastin e legalizimit të pronës.
Përcaktimi i vlerës së tregut, në kuptim të pikës 1, të nenit 41, të këtij ligji, kryhet në bazë të raportit të ekspertit të licensuar vlerësues pasurish të paluajtshme, të përgatitur për llogari të vetdeklaruesit.
KREU VI
DISPOZITA TE FUNDIT
Neni 42
Ankimi
Kundër vendimit të njësisë së qeverisjes vendore, që refuzon të pranojë dokumentacionin ose kur kjo njësi nuk nxjerr vendim me shkrim brenda afatit të parashikuar nga ky ligji, subjekti mund të paraqesë ankim administrativ sipas ligjit nr. 8485, datë 12.5.1999, “Kodi i Procedurave Administrative në Republikën e Shqipërisë”.
Neni 43
Dispozita kalimtare
Deklarimet e bëra në bazë të ligjit 9304, datë 23.10.2004, “për legalizimin dhe urbanizimin e zonave informale”, konsiderohen të mirëqena. Kur ndërtimet informale të deklaruara kanë evoluar në sipërfaqe dhe vëllim, për shkak të veprimtarive të reja informale, brenda afatit të përcaktuar në këtë ligj, subjekti është i detyruar t’i rideklarojë ato nga e para. Mosdeklarimi i shtesave të reja çon në heqjen e të drejtës së legalizimit dhe prishjen e objektit sipas ligjit nr. 8408, datë 25.9.1998, “për policinë e ndërtimit”
Neni 44
Nxjerrja e akteve nënligjore
Ngarkohet Këshilli i Ministrave të nxjerrë aktet nënligjore, në përputhje me nenet 2, 4, 15, 27, 33 e 43, të këtij ligji.
Ngarkohet ministri që mbulon fushën e planifikimit të territorit, të nxjellë aktet nënligjore, sipas neneve 11 e 12, të këtij ligji.
Neni 45
Shfuqizime
Ligjet, nr. 9304, datë 23.10.2004, “për legalizimin dhe urbanizimin e zonave informale”, dhe nr. 9202, datë 23.3.2004 “për legalizimin e shtesave në ndërtime”, shfuqizohen.
Neni 46
Hyrja në fuqi
Ky ligj hyn në fuqi 15 ditë pas botimit në “Fletoren zyrtare”.
19/12/2005
