Ministri i Drejtësisë z.Eduard Halimi mori detyrën e ministrit pas emërimit të të Kryeministrit dhe dekretimit të Presidentit të Republikës me  nr. Dekreti 7051 më 21.07.2011.
 
Ai ka lindur në Korcë në 8 dhjetor 1972, është i martuar dhe ka dy vajza, Nikol dhe Elen.

Është diplomuar për drejtësi në vitin 1995, Akademinë e Policisë ne vitin 1997 dhe mban titullin “Magjistrat”, prej vitit 2000.

Ka ushtruar profesionin e avokatit deri në vitin 2005 dhe është zgjedhur si ekspert i komisioneve hetimore parlamentare, prej vitit 2002 e në vijim.

Në tetor të vitit 2005 është emeruar Zëvëndësministër i Drejtësisë duke e ushtruar detyrën deri në emërimin Avokat i Përgjithshëm i Shtetit, në vitin 2008.

Në vitin 2007 është zgjedhur Antar i Këshillit Bashkiak, Tiranë.

Në zgjedhjet parlamentare të vitit 2009 është zgjedhur Deputet i Parlamentit, në forcën politike, Partia Demokratike e Shqipërisë.

Nga viti 2009 deri me korrik 2011 ai ka mbajtur detyrën e  Sekretarit te Komisionit të Ligjeve në Kuvendin e Shqipërise.

Ai kreu detyren e kryetarit të  i Komisionit Parlamentar Hetimor për ngjarjet e 21 janarit 2011.